Printer-friendly versionSend to friend

Nxi’ ka’yit ti’j meb’ayil nku’j jun mya’ b’an nok  ti’j kyoklen xjal
Unión de Kensington para los Derechos de Asistencia Social, KWRU
(Kensington Welfare Rights Union)

Tuj ab’q’i te 1991 jun k’lojjo xu’j te jun tal tnam ja meb’axix te matij tnam te Pensilvania kub’ kyb’uyi’n kyib’ tu’ntzan tkub’ kyb’incha’njo KWRU, tej tel tiq’in alkalt ajo ch’I’n o’nb’il najb’en te k’achb’ilkyejo xjal mixti’x kyaq’un.  Aqejo xu’j te KWRU kub’ kyxi’min tu’n tkub’ la’jit ti’jo o’nb’il kye xjal nku’wtlaj junjo o’nb’il ti’j txi’ nimitjo kyoklen xjal, mya naqxwit tu’n tkub’ la’jit qa ajo o’nb’il nxi’ tq’o’n kawil mya naqx jun o’yb’itz kyeqe meb’a tu’n tkub’ b’aji meb’ayil, mo noqx jun o’yb’itz kyejo mixti’x at kye.

Ajo KWRU xi’ tq’uma’n qa ajo tej tel q’i’njo o’nb’il kye tu’n ajkawil, qa kub’ yajli’njo kyoklen tza’njo tz’iba’nkux tuj kawb’il ti’j kyoklen xjal a tajla artikulo 23 ex 25, tejo matij kawb’il ti’j kyoklen xjal (ajo nq’uma’n qa at kyoklen xjal tu’n tten kyaq’un ex tu’n tten jun kychwinqlal tb’anilxix) extzan e’ aq’wi b’uyil kye txqantl xjal meb’a tu’ntzan txi’ kyek’injo oklenj lu’ kye.  Ajo kyxim k’loj qya lu’ ajo qa a te ajkwil ilti’j tu’n taq’una tu’n txi’ q’et junjo kychwinlal meb’a ja nku’j chwinqlalx, tu’n tten kywa ex kyi’j.  Tu’ntzanjo iky kyxim qyaju’ lu’ e’ tzaj ka’yin kyun txqantljo xjal mixtaqti’ b’u’yin kyib’ extzan b’aj kyb’uyin kib’ tu’n kyreklamarin ti’jo kyoklen te kawil. Ajb’entzan lu’ tu’n tel tpakb’al ajo meb’ayil at stados extzan tujchaq junjutl tnom te Ab’yayala.

Kub’ tb’incha’n KWRU junjo ja ja jaku’ pona o’nb’il kyeqe meb’a, tza’njo nku’ wab’j moqa kyja, extzan kane tqan matij pabeyon kyu’n tuj jun ja te q’anb’il tu’ntzan kynajan qejo xjal mixti’x kyja at.  Atzunjo lu’ ajb’en kyejo k’loj xjal tu’n tb’aj kyximo’nte kyib’ extan tu’n nimjo kyoklen aj kyaq’wi qanil jun ti’xti’.  Tu’ntzan kyxi’ xnaq’tzetjo xjal tib’aj alkyeqechaq kyoklen, e’ jaw jyet txqanjo xjal kyojtzqi’njo kyoklen xjal extzan tb’anil che’ q’on kynab’il xjal, tu’nwittzulo txi’ sak’pet kynab’l.

Tuj ab’q’I te 1998 jun k’loj ja xjal e’ ex b’etil tuj 35 tal tnam tu’ntzan tb’aj b’uyit a’lixjo tichaqti’ yajb’il ti’j kyoklen matxi’ che b’aj ik’ajo xjal.  Nimjo kyla’j xjal b’aj kyb’u’yin tib’aj tza’nchaq matxi’ che’ oka xjal tuj yajb’il ex tza’nchaq matxi’ che’ anq’ina, a’lixtzanjo la’j lu’ ajb’en kye tu’ntzan txi’ pakb’et a’lixjo yajb’il ti’j kyoklen xjal at tuj tnam te EEUU. Atzun tb’I u’j te pakb’ab’il ok kyq’o’n ajo U’j te kyoklen xjal ex tib’aj kyb’an xjal meba’ qe.

B’ajtzan kymojb’an kyib’jo Centro para los Derechos Humanos Constitucionales (CCR tuj inglés), ajo Clínica de los Derechos Humanso Internacionales de las Mujeres te CUNY e’ txqantl k’loj xjal tuk’il KWRU, tu’ntzan kyxi’ b’ajsalte EEUU twitzjo Comisión Inter Americana de Derechos Humanos, qa ajo matij kawil te EEUU matxi’ tz’okten te yajilte kyoklen xjal meb’a.  Xi’ tzan lemljo ajo jun xim lu’ tujchaq tnam te Ab’yayala qu’mtzan tuj t-xjawil diciembre te ab’q’I 199 ipin junju b’eti’n kyu’n xjal meb’a qe, a tb’ijo ok te Manifestación de la Américas, atzunjo b’eti’n lu’ atz oka tuj tnam te Washington, D.C. extzan atz e’xt’anja b’asal twitzjo Naciones Unidas ch, tu’nwittzulo ajo lu’  tz’ex pakb’ante kyyile tnam te twitz tx’otx’ a’lixjo meb’ayil at twitz Ab’yayala.

Note: This tactic is a translation of the corresponding tactic found in the New Tactics in Human Rights: A Resource for Practitioners book.